“Qarabağ” – “Düdelanj” matçının biletləri satışda

Azərbaycan çempionu “Qarabağ”ın Çempionlar Liqasının 2-ci təsnifat mərhələsində Lüksemburq “Düdelanj”ına qarşı keçirəcəyi ilk oyunun biletləri satışa çıxarılıb.

Allsport.az saytı xəbər verir ki, biletlərin qiyməti yerindən asılı olaraq 1-5 manat aralığında dəyişir. VİP yerlərə isə biletlərin qiyməti 30 manatdır.

Biletləri matçın keçiriləcəyi Tofiq Bəhramov adına Respublika stadionunun kassalarından əldə etmək mümkündür. Matç iyulun 12-də keçiriləcək və saat 21:00-da başlayacaq.