“Qarabağ” matç boyu üstün oldu, yekunda “Azərsu” qalib gəldi

Bu gün qadın həndbolçuların superliqasında 2 oyun keçirilib. Allsport.az saytı xəbər verir ki, 12-cü tur çərçivəsində “Azəryol” klubu “Gənclər Birliyi”ni böyük fərqlə üstələyib – 43:16.

Günün mərkəzi matçında “Azərsu” və “Qarabağ” üz-üzə gəldilər. Gərgin görüşün ilk hissəsi Çingiz Əzimovun komandasının xeyrinə bitdi (14:13).

Növbəti yarıda da “Qarabağ” irəlidə oldu. Amma “sarılar” 25:21 üstün durumu qoruya bilməyərək, 26:28 hesabı ilə uduzdular.