“Qarabağ” qələbə ilə başladı!

Bu gün ümummilli lider Heydər Əliyevin xatirəsinə beynəlxalq həndbol turnirndə “Qarabağ” ilk oyuna çıxdı. Allsport.az saytı xəbər verir ki, son ölkə çempionu Özbəkistan millisi ilə qarşılaşdı.

İlk hissəni rəqib 5 top öndə qapadı (17:12). Fasilədən sonra toparlanan meydan sahibələri tədricən fərqi azaltdı, sona yaxın üstünlüyü ələ aldı.

Son saniyələr dramatik keçdi. Orta asiyalılar hesabı bərabərləşdirsə də, “Qarabağ” qələbə topunu vurmağı bacardı – 28:27.