“Qarabağ” Qazaxıstan millisi ilə bərabərə qalıb

Bakıda ulu öndər Heydər Əliyevin xatirəsinə həsr olunan beynəlxalq turnirdə bir neçə oyun artıq başa çatıb.

Allsport.az xəbər verir ki, ilk yarış günündə Qazaxıstan millisi ilə “Bakı” komandası üz-üzə gəlib. İlk hissədən təşəbbüsə yiyələnən qonaqlar görüsü qələbə ilə başa vurublar – 29:24 (14:8).

Yarışın ikinci günündə “AHF arena”nın meydançasına əvvəlcə OKMK (Özbəkistan) və “Astana” (Qazaxıstan) komandaları çıxıblar. Görüşun fasiləsinə 20:10 hesablı ustünlüklə yollanan Özbəkistan həndbolçuları ikinci hissədə də inamlı oyun sayəsində qələbə qazanıblar – 45:23.

Günün ikinci matçında Qazaxıstan millisi ilə “Qarabağ” kollektivi üz-üzə gəlib. Gərgin mübarizə ilə yadda qalan oyunun ilk hissəsi 15:12 hesabı ilə qonaqların xeyrinə yekunlaşıb. Fasilədən sonra da maraqlı idman mübərizəsi şəraitində keçən görüş heç-heçə nəticələnib – 24:24.