“Qarabağ” son dəqiqələrdə “Azəryol”a təslim oldu

Qadın həndbolçuların ölkə çempionatının 12-ci tur başladı. Allsport.az saytı xəbər verir ki, “ABU-Arena”da ilk olaraq meydana “Gənclərbirliyi” və “Azərsu” klubları çıxıblar. Bu matçda gözlənilməz bir olay baş verməyib, ölkə çempionu 48:23 hesabı ilə qalib gəlib.

Turun mərkəzi görüşü “Azəryol” və “Qarabağ” arasında oldu. İlk hissəni 13:12 qapayan Georgi Voronovun komandası 2-ci yarının ortalarında 2 top yenik duruma düşməsinə rəğmən, son dəqiqələrdə matçı yenidən lehinə çevirdi – 26:24.

Qey edək ki, bu oyun hakim Ernest Ağakişi üçün əlamətdar oldu. Avropa dərəcəli referi 40 yaşını iş başında qeyd etdi.