“Qarabağ”ın oyununa 15 min bilet satılıb

UEFA Çempionlar Liqasının ikinci təsnifat mərhələsi çərçivəsində Azərbaycan çempionu “Qarabağ”la Çernoqoriya “Rudar”ı arasında keçiriləcək ilk oyuna bilet satışı davam edir. Allsport.az xəbər verir ki, artıq bu görüş üçün satışa çıxarımış biletlərin 15 mindən çoxu azarkeşlər tərəfindən alınıb.

Oyunun başlama saatına qədər bu göstəricinin daha da artacağı şübhəsizdir.

Qeyd edək ki, “Qarabağ” – “Rudar” matçı sabah Tofiq Bəhramov adına respublika stadionunda keçiriləcək və saat 21:30-da start götürəcək.