“Qarabağ”la “Zenit” bir-birlərini sınağa çəkəcək

Xəbər verdiyimiz kimi, “Qarabağ” yeni mövsümün hazırlıqları Avstriyaya keçəcək. Allsport.az saytı xəbər verir ki, ölkə çempionunun orada yoxlama görüşlərindəki növbəti rəqibi məlum olub.  Ağdam klubu Rusiya “Rostov”u ilə qarşılaşmalı olsa da, planlarda dəyişiklik olub.

Belə ki, “Qarabağ” iyunun 28-də “Rostov”la yox, 4-qat Rusiya çempionu “Zenit”lə yoxlama oyunu keçirəcək. “Atlılar”ın ilk rəqibi yerli “Vakker” klubudur. Bu qarşılaşma iyunun 25-də baş tutacaq.