Qaxda gündə 2 məşq

Gənc basketbolçulardan ibarət Azərbaycan millisi Avropa çempionatına hazırlıqları davam etdirir.

Allsport.az xəbər verir ki, U-20 yığması iyunun 3-dən Qax olimpiya idman kompleksində təlim-məşq toplanışının birinci mərhələsinə start verib.

İspaniyalı məşqçi Alberto Blankonun rəhbərlik etdiyi komanda gündə iki dəfə olmaqla taktiki və fiziki məşqlər keçir.

Millini iyulun 12-21-də Rumıniyanın Piteşti şəhərində keçiriləcək Avropa çempionatı “B” divizionunda mübarizə gözləyir.