Qitə çempionatında 13 təmsilçi

4–7 sentyabrda Slovakiyanın paytaxtı Bratislavada cüdo üzrə gənclər arasında Avropa çempionatında Azərbaycan ümumilikdə 10 çəki dərəcəsində 13 idmançı (9 oğlan, 4 qız) ilə fərdi mübarizədə təmsil olunacaq.

Allsport.az xəbər verir ki, yığmamız turnirin son günündə qarışıq komanda yarışında mübarizə aparacaq.

Cüdoçularımıza gənc oğlanlardan ibarət yığmanın baş məşqçisi Rüstəm Alimli, məşqçi Elxan Rəcəbli, gənc qızlardan ibarət yığmanın baş məşqçisi Əminə Əbdullətif, böyük məşqçi Saşa Herkenrat-Vimar rəhbərlik edəcək.

Qitə birinciliyində 42 ölkədən 374 idmançı (207 oğlan, 167 qız) mübarizə aparacaq.

Heyəti təqdim edirik:

Oğlanlar

60 kq
Nihad Məmişov
Fərid Qarayev

66 kq
Məhəmməd Musayev
Nizami İmranov

73 kq
Əbil Yusubov

81 kq
Süleyman Şükürov

90 kq
Aslan Kotsoyev

100 kq
Davud Namazlı

+100 kq
Ramazan Əhmədov

Qızlar

48 kq
Fəridə Mirzəyeva

52 kq
Xədicə Qədəşova
Aydan Vəliyeva

+78 kq
Nigar Süleymanova

Qarışıq komanda yarışı

63 kq
Nilgün Rzayeva