“Qızıl top” Rodrinin haqqı idi”

İspaniya millisinin və “Barselona”nın yarımmüdafiəçisi Daniel Olmo açıqlama verib.

Allsport.az xəbər verir ki, ispan futbolçu “Qızıl top” mükafatını qazanan həmyerlisi Rodri haqda danışıb.

“Rodri bir neçə ildir yüksək səviyyədə çıxış edir. O, Avropa çempionatında əsas oyunçularımızdan idi. “Qızıl top” onun haqqı idi.

Onun qələbə nitqi bir çoxumuzun hisslərini əks etdirir: “bu “Qızıl top” bütün İspaniya futbolu üçündür. Əvvəllər dünya futbolunda uzun illər hər şeyi alt-üst edən iki əjdaha var idi, Lionel Messi və Kriştiano Ronaldu. Amma bu dəfə ispan futbolu qalib gəldi”.