Qurban Qurbanov: “Belə havada oynamaq çətin idi”

“Qarabağ” Premyer liqanın 14-cü turunda “İnter” klubu ilə 0:0 hesablı heç-heçə edib. Allsport.az saytı xəbər verir ki, komandamızın baş məşqçisi Qurban Qurbanov görüş barədə bunu deyib:

“Maraqlı qarşılaşma alındı. Futbolçuların çıxışından razı qaldım. İlin sonları olsa da, yaxşı oynadılar. Onlara göstərdikləri oyuna görə təşəkkür edirəm.

Oyuna gələn azarkeşlərə də təşəkkür edirəm. Bu cür havada komandanı dəstəklədilər. Belə havada oynamaq çətin idi”.