Ruslan Qurbanovdan Rail Məlikova sərt cavab

“Neftçi”nin hücumçusu Qurbanov AzAL-ın kapitanı Rail Məlikovun onun haqqında səsləndirdiyi sərt ittihamlara cavab verib. Allsport.az xəbər verir ki, futbolçu öz “facebook” səhifəsində bunları qeyd edib:

“Qoy mən futbolda heç kim və heç nə olum, ancaq sən kapitan olanda mən səni təbrik etdim Rail Məlikov. Lakin unutma ki, sən “Neftçi”dən necə getmisən və indi hardasan. Milli haqqında isə mənə sən yox, baş məşqçi irad bildirə bilər. Ulduz futbolçu söhbəti mənə çatmır.

Çünki mən hələ öz üzərimdə daha çox işləməliyəm ki, başıuca gəzə bilim. Sənə də, komandana da uğurlar arzu edirəm. Sən nəyisə səhv anlamısansa, bu, artıq mənim problemim deyil. Mən AzAL-ı təhqir etməmişəm. Belə deməyimə səbəb isə klublar arasındakı büdcə fərqi olub, cənab Məlikov. Sənə uğurlar arzu edirəm, Kapitan”.