Rəcəbov və komandasından növbəti uğursuzluq

Şahmat üzrə Millətlər kubokunda 7-8-ci turlara yekun vurulub. Allsport.az xəbər verir ki, Teymur Rəcəbovun mübarizə apardığı dünya yığması 7-ci turda Hindistan komandasına 1,5:2,5 hesabı ilə məğlub olub.

Şahmatçımız bu dəfə Vişvanatan Ananda uduzub.

8-ci turda dünya yığması növbəti məğlubiyyətini ABŞ-dan alıb – 1:3. Rəcəbov bu tur istirahət edib.

Turnir cədvəlinə 15 xalla Çin komandası başçılıq edir. ABŞ komandası 11 xalla 2-ci, Avropa yığması 10 xalla 3-cüdür.