Rəcəbovun komandası Hindistana qalib gəldi

Şahmat üzrə onlayn Millətlər kubokunda 2-ci tur yekunlaşıb. Allsport.az xəbər verir ki, qrossmeysterimiz Teymur Rəcəbovun yer aldığı dünya yığması Hindistan komandasını məğlub edib – 2,5:1,5.

Şahmatçımız Vişvanatan Anand ilə, iranlı Əlirza Firuzca Pentala Harikrişna ilə, ukraynalı Mariya Muzıçuk isə Hampi Koneru ilə heç-heçə edib. Perulu Xorxe Korinin Başkaran Adhibanı məğlub etməsi komandanın qələbəsini təmin edib.

Turun digə oyunlarında ABŞ Rusiya yığmasını, Çin Avropa komandasını 3:1 hesabı ilə məğlub edib.