Rəfiqə Şabanova: Milli komandanın güclənməsinə ehtiyac var

“İslam Həmrəyliyi oyunlarına daha yaxşı hazırlaşmalıyıq. Bunun üçün həm paytaxtda, həm də ölkə xaricində daha çox təlim məşq toplanışı və ikitərəfli oyunlar keçirməliyik”.

Bunu allsport.az saytına açıqlamasında ABU və milli komandanın baş məşqçisi Rəfiqə Şabanova dedi. Mütəxəssis bildirdi ki, milinin əsasını təşkil edən heyətin gücləndirilməsinə də ehtiyac var:

“Bu gün Çağırış kubokunun 3-cü raundunda Belçikanın “Femina Vize” klubuna qalib gəldik. Qızlardan razı qaldım. Amma bu heyətlə İslam Həmrəyliyi oyunlarında uğurlu nəticə göstərmək çətindir. Millinin əsasını təşkil edən ABU-nun legionçularla güclənməsinə ehtiyac var”.