“Bunu çox arzulayırdım”

“Ən çətin görüş final qarşılaşması oldu. Şükürlər olsun, qələbə qazandım. Allsport.az xəbər verir ki, bunu I MDB oyunlarının qalibi, güləşçi Həsrət Həsrətov deyib. O, daha sonra davam edib:

“Rəqib kəllə atırdı. Mən isə qaydalar çərçivəsində güləşimi nümayiş etdirdim. İkinci fəndimi 4 xalla da qiymətləndirmək olardı. Ancaq hakimlər 2 xal verdi. Bundan əvvəl gənclər arasında dünya çempionu olmuşdum.

Buradakı rəqiblərim məni tanıyırdılar və məndən çəkinirdilər. MDB oyunlarının açılış mərasimində çempion kimi bayrağı daşıyacağım üçün çox sevinirəm. Bunu çox arzulayırdım”.