“Rəvan” – “Kəpəz” matçında 3 qırmızı vərəqə, 2 qol

Bu gün Topaz Premyer Liqasında 8-ci tura start verilib. Allsport.az xəbər verir ki, ilk oyun günündə bir görüş baş tutub.

“Rəvan” doğma meydanda “Kəpəz”lə qarşılaşıb. Bu oyunda “Kəpəz” favorit sayılırdı. Sonuncu pillədə qərarlaşan Emin Quliyevin komandası ilə müqayisədə, Şahin Diniyevin çalışdırdığı kollektiv bu görüş öncəsi 8 xalla altıncı pillədə qərarlaşmışdı. “Rəvan”ın bu görüşdə 1 xal qazanması da meydan sahibləri üçün uğur sayıla bilərdi. Amma “aslanlar”ın bu tur ilk qələbəsini qazanması da istisna olunmurdu. Gəl ki, “Kəpəz” səfərdə çıxış etməsinə baxmayaraq, bu görüşdə inamlı qələbəyə sevindi.

Topaz Premyer Liqası
8-ci tur
16 oktyabr (cümə)

“Rəvan” – “Kəpəz” – 0:2 (0:0)
Qollar: J.Ebah, 48 (0:1). J.Osvaldo, 52 (0:2).
Qırmızı vərəqə: K.Manafov, 59. N.Məmmədov, 87. O.Lalayev, 90.
Hakimlər: Orxan Məmmədov, Yaşar Abbasov, Mübariz Haşımov, Munis Abdullayev.
Bakı. “Bayıl Arena”.

“Rəvan”: 32. Konstantin Maxnovski, 21. Novruz Məmmədov, 6. Vüqar Bəybalayev, 16. Orxan Lalayev, 14. Elvin Əliyev, 92. Yamin Ağakərimzadə, 20. Kənan Manafov, 8. Məmməd Quliyev, 11. Şeriff Suma, 17. Ramazan Abbasov(k), 22. Məhəmməd Alıyev.
Ehtiyat oyunçular: 1. Rəşad Əzizli, 4. Kənan Müslümov, 99. Nicat Muxtarov, 77. Cavad Kazımov, 7. Elvin Həsənəliyev, 28. Xanlar Teymurov, 19. Tural Qürbətov.
Baş məşqçi: Emin Quliyev.
“Kəpəz”: 88. Tadas Simaitis, 18. Tural Axundov (k), 13. Şəhriyar Rəhimov, 25. Şəhriyar Əliyev, 3. Tərlan Quliyev, 8. Budaq Nəsirov, 7. Juninyo, 27. Bəxtiyar Soltanov, 10. Dario Federiko Junior, 68. Rəşad Eyyubov, 19. Aleksandr Sitnik.
Ehtiyat oyunçular: 1.Eyyub Əliyev, 23. Tural Nərimanov, 6. Ceyhun Cavadov, 9. Murad Ağakişiyev, 15. Azad Kərimov, 90. Julien Ebah, 80. Tural Rzayev.
Baş məşqçi: Şahin Diniyev.

Turun digər oyunları: 17 oktyabr (15:30. “Neftçi” – “Qəbələ”, 18:00. “Qarabağ” – “Zirə”). 18 oktyabr (18:00. “Xəzər Lənkəran” – AzAL, 20:00. “Sumqayıt” – “İnter”).

Bombardirlər:
4 – Aleksey Qay (“Qəbələ”).
3 – Rahid Əmirquliyev (“Xəzər Lənkəran”), Dieqo Martins (“İnter”), Riçard Almeyda (“Qarabağ”), Aleksey Antonov (“Qəbələ”).