Reynaldo: “Bütün klublara qol vurduğum üçün şadam”

“Qarabağ”ın aparıcı üzvlərindən olan Reynaldo Azərbaycan Premyer Liqasında iştirak edən bütün klublara qol vurması ilə bağlı fikirlərini açıqlayıb. Allsport.az xəbər verir ki, braziliyalı futbolçu bunları söyləyib:

“Azərbaycan Premyer Liqasındakı bütün komandalara qol vurmuş oyunçu olmaqdan çox şad oldum. Bundan sonra da əlimdən gələni edəcəyəm ki, “Qarabağ”a daha çox kömək göstərə bilim. Hərkəsə sevgilər!”

Qeyd edək ki, ötən mövsüm elitada çıxış etmiş “Rəvan” da daxil olmaqla bütün klublara qol vurmuş Reynaldo yalnız “Simurq”u məyus edə bilməmişdi ki, ötən tur Bakıda keçirilən oyunda Zaqatala klubu da braziliyalının “qurban”ına çevrildi. Bununla da Ağdam klubunun hücumçusu unikal bir göstəriciyə imza atmış oldu.