Roman Qriqorçuk: “Qəbələ” qrup mərhələsində daha yaxşı oynamaq iqtidarındadır”

“Qəbələ”nin baş məşqçisi Roman Qriqorçuk Avropa Liqasının qrup mərhələsi çərçivəsində Yunanıstan PAOK-u ilə oyun öncəsi fikirlərini açıqlayıb. Allsport.az xəbər verir ki, ukraynalı mütəxəssis bu gün təşkil olunan mətbuat konfransında bunları söyləyib:

“Əvvəl qrup mərhələsinə vəsiqə qazanmaq üçün mübarizə aparırdıqsa, indi qrupda xallar yığmaq üçün oynayacağıq. Yunanıstan təmsilçisini hər iki matçda üstələməyə çalışacağıq.

Qrup mərhələsində rəqiblərimiz daha güclüdür. Buna rəğmən, şansımız var. Yaxşı hazırlaşmışıq, güclənmişik. İndi daha yaxşı oyun göstərmək iqtidarındayıq”.