Ronaldunun klubu bu problemi həll etdi

Səudiyyə Ərəbistanının “Əl-Nəsr” klubu yeni oyunçuların qeydiyyatına qoyulan qadağa problemini qısa müddətdə həll edib.

Allsport.az xəbər verir ki, dekabrın 20-də FİFA-nın müdafiəçi Emerik Laportun 2023-cü ildəki transferinə görə “Mançester Siti”yə olan təxminən 9 milyon avroluq borca görə kluba sanksiya tətbiq etdiyi məlum olmuşdu.

Tanınmış insayder Fabrisio Romanonun verdiyi məlumata görə, “Əl-Nəsr” artıq borc məsələsini yekunlaşdırıb. Qeydiyyat qadağası tezliklə ləğv olunacaq və klub qış transfer pəncərəsində heyətini yeni futbolçularla gücləndirə biləcək.