Ruslan Abışov «İstiqlal»la bağlı qərarını Avstriyadan döndükdən sonra verəcək

«Tehranın «İstiqlal» klubunun Ruslan Abışovu istəməsi xəbəri doğrudur». Bunu allsport.az saytına açıqlamasında futbolçunun qardaşı və meneceri Sərxan İbrahimoğlu təsdiqləyib.

Həmkarımızın bildirdiyinə görə, müdafiəçi hazırda milli komanda ilə Avstriyada təlim-məşqdədir. O qayıtdıqdan sonra, bu məsələ yenə günləmə gələcək.

Qeyd edək ki, son mövsümü «Qəbələ»də keçirən Ruslan Abışov hazırda bu komandadan ayrılıb və yeni təklifləri dəyərləndirməklə məşğuldur.