“Sabah” ardıcıl 3-cü dəfə Azərbaycan çempionu oldu!

Azərbaycan basketbol liqasında 2024/2025 mövsümünə yekun vurulub.

Allsport.az xəbər verir ki, “Sabah” və “Neftçi” komandaları bu gün final sıralamasının 6-ci oyununda üz-üzə gəlib.

Bakı idman sarayında keçirilən qarşılaşma “bayquşlar”ın 83:78 hesablı qələbəsi ilə bitib.

Ümumi hesabı 4:2 edən “Sabah” klubu Azərbaycan çempionu olub.

Bu paytaxt klubu ardıcıl 3-cü dəfə baş mükafata sahib çıxıb.