”Sabah” “Qarabağ”ı uddu

Azərbaycan premyer liqasının I turunun təxirə salınmış “Sabah” – “Qarabağ” oyunu keçirilib.

Allsport.az xəbər verir ki, görüş “bayquşlar”ın 2:1 hesablı qələbəsi ilə başa çatıb.

Hesabı 9-cu dəqiqədə qonaqların futbolçusu Leandro Andrade açıb.

Masazır təmsilçisi əvvəlcə 52-ci dəqiqədə Coy-Lens Mikelsin qolu ilə hesabı bərabərləşdirib. 88-ci dəqiqədə isə Aaron Maluda komandasına qələbə gətirən qolun müəllifi olub.

Bununla da “Sabah” xallarının sayını 35-ə çatdıraraq liderliyə yüksəlib. “Qarabağ” 34 xalla ikincidir.