“Sağlam həyat” layihəsi Göygöl və Naftalanda

Gənclər və idman nazirliyi tərəfindən bölgələrdə keçirilən səyyar “Sağlam həyat” layihəsi çərçivəsində səyyar idman avtomobili Göygöl və Naftalan şəhərlərində olub.

Allsport.az xəbər verir ki, Göygöl şəhəri, Heydər Əliyev parkında baş tutan tədbirə 150-dən çox idman həvəskarı, Naftalan şəhəri Heydər Əliyev mərkəzinin qarşısında keçirilən tədbirə isə 200-dək iştirakçı qoşularaq öz yaş qrupları üzrə müxtəlif idman normativlərini yerinə yetiriblər.

Naftalanda şəhər sakinləri ilə yanaşı, bu şəhərdə müalicə alan turistlər də iştirak edərək, müxtəlif idman növlərində qüvvələrini sınayıblar.

“Sağlam həyat” layihəsi çərçivəsində səyyar idman avtomobili ölkənin digər bölgələrinə də istiqamət alacaq.