Şahin Diniyev: “O, öz oyunu ilə transferi düzgün edib-etmədiyimizi göstərəcək”

“Kəpəz”in baş məşqçisi Şahin Diniyev komandaya yeni transfer olunmuş Kamerun yığmasının hücumçusu Julien Ebah barədə danışıb. Allsport.az xəbər verir ki, o, bunları söyləyib:

“Bu futbolçunun oyununa çox baxmışıq. Kamerun yığmasına çağırılan bir oyunçudur. Bizim komandaya necə adaptasiya olunacağı vacibdir. Hücumda problemlərimiz var, güclənmək istəyirik. Mənə elə gəlir ki, o, öz oyunu ilə transferi düzgün edib-etmədiyimizi göstərəcək”.

Julien Jeromun Premyer Liqanın 7-ci turunda yeni komandasının heyətində debüt etməsi gözlənilir. Şahin Diniyevin şans verəcəyi təqdirdə gəncəli azarkeşlər “Sumqayıt”la ev oyununda forvardı meydanda görəcəklər.