Şənəs Ərzik UEFA-nın 1-ci vitse-prezidenti vəzifəsindən ayrılır

UEFA-nın birinci vitse-prezidenti Şənəs Ərzik tutduğu vəzifədən getmək qərarına gəlib. Allsport.az xəbər verir ki, türkiyəli futbol mütəxəssisi yanvarın sonunda təqaüdə çıxacağını bildirib.

Türkiyə Futbol Federasiyasının bu vəzifəyə hazırda qurumda fəaliyyət göstərən Sərvət Yardımcının namizədliyini irəli sürməsi gözlənilir.

Qeyd edək ki, 1982-ci ildə UEFA-da fəaliyyətə başlayan Ərzik 1994-cü ildən vitse-prezident vəzifəsini icra edir.