Serblər ilk 3 hissənin hər birində öndə olsalar da…

ABŞ basketbolçuları Paris oyunlarında finalına yüksəlib. Allsport.az saytı xəbər verir ki, yarımfinalda onlar serblərə 95:91 hesabı ilə qalib gəliblər. Rəqib ilk 3 periodun hər birində qalib gəlsə də, matç ərzində 15 xalla öndə olsa da, yekunda hər halda uduzublar.

Matçın ən məhsuldar oyunçusu 36 xal toplayan Stiven Karri olub. Lebron Ceyms tripl-dabl edib – 16 xal, 12 götürmə və 10 məhsuldar ötürmə. Serblər üçün ən yaxşılar Boqdan Boqdanoviç (20 xal) və Nikola Jokiç (17 xal və 11 məhsuldar ötürmə) olublar.

Finalda ABŞ komandası Fransa, serblər isə 3-cü yer uğrunda görüşdə Almaniya ilə qarşılaşacaqlar.