Sikan Türkiyədən getdi

“Trabzonspor”un hücumçusu Danilo Sikan karyerasını Belçikada davam etdirəcək.

Allsport xəbər verir ki, “Anderlext” 24 yaşlı forvardın transferini açıqlayıb. Ukraynalı futbolçu ilə 2030-cu ilin yayına qədər nəzərdə tutulan uzunmüddətli müqavilə imzalanıb.

Ötən mövsümün ortasından “Trabzonspor”un köynəyini geyinən Sikan bu müddət ərzində meydana çıxdığı 34 rəsmi matçda 7 qol vurub və 3 məhsuldar ötürmə edib.