Silvanın yeni ünvanı

Braziliya millisinin əfsanəvi müdafiəçisi Tyaqo Silva karyerasını Portuqaliyada davam etdirəcək.

Allsport.az xəbər verir ki, 41 yaşlı futbolçu “Portu” klubu ilə müqavilə imzalayıb.

Tyaqo “əjdahalar”la birillik sözləşmə razılaşdırıb.

Silvanın son klubu Braziliyanın “Fluminense” komandası olub. Karyerası ərzində o, “Milan”, PSJ və “Çelsi” kimi nəhəng klubların uğurları üçün çalışıb. Braziliya yığmasının heyətində 113 oyuna çıxan müdafiəçi 7 qolla yadda qalıb.