“Simurq”la “Sumqayıt” 500, “Xəzər Lənkəran” 100

Bu gün AFFA İntizam Komitəsinin növbəti iclası keçirilib. Allsport.az xəbər verir ki, aparılan müzakirələrdən sonra Topaz Premyer Liqasında çıxış edən klubların əvəzedici heyətləri arasında təşkil olunmuş ölkə çempionatının 15-ci turunun oyunları ilə bağlı aşağıdakı qərarlar qəbul olunub.

“Xəzər Lənkəran” – “Qəbələ” matçının 41-ci dəqiqəsində “Xəzər Lənkəran”ın futbolçusu Elşən Rzazadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 100 manat cərimə olunub.

“Sumqayıt” – “Simurq” matçında “Simurq”un 4 , “Sumqayıt”ın 5 futbolçusu sarı vərəqə ilə cəzalandığı üçün hər iki klub 500 manat cərimə olunub.