Son turda “Kür”ün komandaları qələbə qazandı

Həndbol üzrə Azərbaycan çempionatlarında I-IV yerlər uğrunda son oyunlar keçirilib.

Allsport.az xəbər verir ki, “AHF Arena”nın meydançası əvvəlcə qadınlardan ibarət “Kür” və “Azəryol” komandalarının ixtiyarına verilib. Gərgin mübarizə ilə yadda qalan oyun Mingəçevir təmsilçisinin xeyrinə nəticələnib – 26:24.

Kişilərdən ibarət “Kür” komandası isə son turda “Azəryol”a 34:33 hesabı ilə qalib gəlib.