“Sumqayıt” “Kəpəz”lə matçın hazırlığına başladı

Topaz Premyer Liqasının 7-ci turunda səfərdə “Kəpəz”lə qarşılaşacaq “Sumqayıt” 1 günlük istirahəti başa vurub. Allsport.az xəbər verir ki, komanda bu gün “Kapital Bank Arena”da növbəti məşqinə çıxıb.

Heyətdə zədəli futbolçu yer almır. Son turda AZAL-la qarşılaşmada zədələnmiş Tofiq Mikayılovda artıq kollektivə qoşulub.

Qeyd edək ki, “Kəpəz” – “Sumqayıt” oyunu oktyabrın 4-də saat 16:00-da Gəncə şəhər stadionunda keçiriləcək.