“Sumqayıt” “Qəbələ”nin yarımmüdafiəçisi ilə anlaşıb

Yeni mövsümü üçün transfer çalışmalarını davam etdirən “Sumqayıt” klubu daha bir futbolçu ilə müqavilə imzalayıb. Allsport.az saytının məlumatına görə, “kimyaçılar” son olaraq “Qəbələ”də çıxış etmiş 1994-cü il təvəllüdlü Vadim Abdullayevi heyətinə qatıb. Bu dayaq yarımmüdafiəçisi ilə 1 illik anlaşılıb. Qeyd edək ki, Vadim Abdullayev əvvəllər “Bakı” və “Simurq”un heyətində də çıxış edib.