Superliqada görünməmiş hadisə: Ölkə çempionu “Azəryol”a əzəvetmə etmədən qalib gəldi

Qadın həndbolçuların ölkə çempionatının 13-cü turun oyunları keçirildi. Allsport.az saytı xəbər verir ki, “ABU-Arena”da ilk olaraq meydana autsayderlər – “İdman akademiyası” və “Gənclərbirliyi” çıxıbıar. Bol qollu görüşdə “tələbələr” qalib gəliblər (37:31).

Turun mərkəzi matçında “Azərsu” və “Azəryol” üz-üzə gəldi. İlk hissə ölkə çempionunun üstünlüyü keçdi (15:11). Növbəti yarının əvvəlində Georgi Voronovun komandası fəallaşaraq fərqi minimuma endirsə də, sonradan nəzarəti yenə ələ alan “Azərsu” start heyəti ilə, matçboyu əvəzetmə etmədən qalib həldi – 25:21. Məsələ aydın olduqda, bitimə dəqiqə yarım qalmış belaruslu baş məşqçi meydançaya yeni oyunçu buraxdı.