Teymurun komandası yenilgi ilə başladı

Şahmat üzrə onlayn Millətlər kubokuna start verilib. Allsport.az xəbər verir ki, Teymur Rəcəbovun yer aldığı dünya yığması ilk turda Çin komandasına məğlub olub.

Qrossmeysterimiz və iranlı Əlirza Firuzca çinli rəqibləri heç-heçə ediblər. Komandanın digər üzvləri misirli Bassem Amin və ukraynalı Mariya Muzıçuk mübarizədən məğlub ayrılıblar.

Turun digər oyunlarında Avropa Rusiya, Hindistan ABŞ yığmaları ilə heç-heçə ediblər.

Yarışın mükafat fondu 180 min ABŞ dollarıdır.