Tokio-2020-də Ukraynaya medal qazandıran azərbaycanlı güləşçiyə mənzil hədiyyə olunub

Tokio-2020 oyunlarında Ukraynaya gümüş medal qazandıran azərbaycanlı yunan-Roma güləşçisi Pərviz Nəsibova mənzil hədiyyə olunub. Allsport.az saytı xəbər verir ki, dünən Zaporojye vilayət dövlət administrasiyası evin açarlarını həmyerlimizə təqdim edib.

Tədbirdə çıxış edən soydaşımız göstərdikləri diqqətə görə administrasiya rəhbərliyinə təşəkkürünü bildirib. Administrasiyası rəhbəri Aleksandr Starux soydaşımızın ugurlu idmançı karyerasından danışıb.Bildirib ki, onun qələbələri hələ qarşıdadır.

Pərviz Nəsibov Ağstafa rayonunda doğulub, 6 yaşına kimi orada yaşayıb və güləşlə məşğul olub. Sonra ailəsi ilə birgə Ukraynaya köçüb.