Tokio-2020-nin ən gənc iştirakçısı mücadiləni tez dayandırdı

Tokio olimpiadasının ən gənc iştirakçısı Hend Zaza mübarizəni dayandırıb. Allsport.az saytı xəbər verir ki, 12 yaşlı suriyalı stolüstü tennisçi ilk görüşdə Avstriyanı təmsil edən Çin əsili Cia Liuya 0:4 hesabı uduzub. O, çıxışını belə dəyərləndirib:

“İdman qadın üçün sağlamlığın başlanğıcıdır. Həmçinin həlledici qərar verməkdə kömək edir. Səbirli olmağı da öyrəndim.

5 il öncə planetin ən böyük idman bayramında iştirak etməyi qarşıma məqsəd qoydum və bunu bacardım. Ümid edirəm ki, növbəti oyunlarında da iştirak edəcəyəm”.