Tokio olimpiadasında Ukraynanı 67 kq-da azərbaycanlı güləşçi təmsil edəcək

Tokio olimpiadasında Ukraynanı təmsil edəcək güləşçilər arasında 1 həmyerlimiz də var. Allsport.az saytı xəbər verir ki, Ukrayna güləş federasiyasının siyahısında azərbaycanlı Pərviz Nəsibov yer alıb.

O, 67 kq-da yunan-roma güləşində çıxış edəcək. Soydaşımız Bolqarıstan paytaxtı Sofiyada keçirilən dünya olimpiya təsnifatının 1/4 finalında millimizin üzvü Rəsul Çunayevə 3:2 qalib gəlmişdi.