Topaz Premyer Liqasında 11-ci tur rəqəmlərdə

Bu həftə Azərbaycan Premyer Liqasında 2015/16 mövsümünün 11-ci turuna start veriləcək. Allsport.az xəbər verir ki, turun mərkəzi oyunu turnir cədvəlinin ilk yarısında qərarlaşan “İnter”lə “Zirə” arasında keçiriləcək.

Peşəkar Futbol Liqasının rəsmi internet saytı üz-üzə gələcək cütlərin Premyer Liqadakı oyunlarının balansını təqdim edir.

Topaz Premyer Liqası
11-ci tur
31 oktyabr (şənbə)

51. “Qarabağ” – AZAL – 27 oyun, +16=6-5, top fərqi 36-24

AZAL-la oyunlarda ardıcıl 7 qələbə qazanan “Qarabağ” 8 matçdır meydanı qolsuz tərk etmir. Ağdam təmsilçisi son 3 ev oyununda eyni – 2:1 hesabı ilə qalib gəlib. AZAL son 4 səfərdə qol vurub.

52. “Qəbələ” – “Kəpəz” – 9 oyun, +2=4-3, top fərqi 5-8

İndiyədək səfərdə çıxış edən komanda qalib gəlməyib. Son 3 qarşılaşmada meydan sahibi qapısını toxunulmaz saxlayıb. Ardıcıl 5 matçda qonaq tərəf xal əldə edə bilməyib.

53. “İnter” – “Zirə” – 1 oyun, +0=1-0, top fərqi 0-0

Paytaxt təmsilçiləri 2-ci dəfə üz-üzə gələcək. Cari mövsümdə keçirilən ilk dueldə qol vurulmayıb.

02 noyabr (bazar ertəsi)

54. “Sumqayıt” – “Neftçi” – 13 oyun, +3=2-8, top fərqi 15-29

5 oyundur uduzmayan “Neftçi” son 6 matçda meydanı qolsuz tərk etməyib. “Sumqayıt” son iki ev oyununda eyni – 0:1 hesabı ilə uduzub.

55. “Rəvan” –  “Xəzər Lənkəran” – 11 oyun, +3=5-3, top fərqi 10-16

“Xəzər Lənkəran” 6 oyundur meydanı qolsuz tərk etmir. Son 5 qarşılaşmada meydan sahibi ola komanda uduzmur. “Xəzər Lənkəran” səfərdə qalib gəlməyib. “Rəvan” ev oyunlarının hamısında qol vurub.