“Ustadla görüş” idman layihəsində Anar Hacıyevlə görüş

Azərbaycan dövlət bədən tərbiyəsi və idman akademiyasında “Ustadla görüş” idman layihəsi çərçivəsində tanınmış idmançı, basketbol üzrə 1-ci İslam həmrəylik oyunlarının qalibi, 5-qat Azərbaycan superliqasının və Avropa çempionatının “C” divisionun qalibi, 3×3 millinin üzvü, məşqçi Anar Hacıyevlə görüş keçirilib.

Allsport.az saytı xəbər verir ki, tədbirdə “İdmanın oyun növləri” kafedrasının ixtisasçılarından ibarət tələbə və professor-müəllim heyəti iştirak edib. Anar Hacıyev görüş zamanı öz nailiyyətlərindən, idman karyerasından və uğur yolundan bəhs edib. O, tələbələrə hər zaman məqsədli olmaq və çətinliklər zamanı ruhdan düşməməyi məsləhət görüb.