Valentina Salamahalı «Bietiqheym»in Bundesliqada 19-cu qələbəsi

Millimizin qapıçısı Valentina Salamahanın çıxış etdiyi «Bietiqheym» klubu qadın həndbolçuların Bundesliqasında növbəti görüşə çıxıb. Allsport.az saytı xəbər verir ki, çempionatın öncülü 19-cu turda evdə «Nellingen»i qəbul edib.

Əvvəldən sonadək üstün oyun nümayiş etdirən həndbolçumuzun komandası 17 top fərqi ilə qalib gəlib – 38:21 (19:14). Bu matçda da qapısımız meydanda olub.

«Bietiqheym» yarış cədvəlində maksimum nəticə, 38 xalla 1-ci sırada yerini qoruyur. Lider növbəti görüşünü aprelin 4-də səfərdə «Metsingen»ə qarşı keçirəcək.