Voleybolçular Türkiyədə

Voleybol üzrə 16 yaşadək qızlardan ibarət yığma bu gün təlim-məşq toplanışı üçün Türkiyəyə yollanıb.

Allsport.az xəbər verir ki, MDB oyunlarına hazırlıq çərçivəsində təşkil olunan təlim-məşq toplanışı Əskişəhər və Bursa şəhərlərində keçiriləcək. Milli burada yerli komandalarla yoxlama oyunlarında da qüvvəsini sınayacaq.

Martın 26-dək davam edəcək təlim-məşq toplanışına rəhbərlik edən Şahin Çatma Türkiyəyə 17 idmançı ilə yollanıb.

Təlim-məşq toplanışında Şahin Çatmaya məşqçi Həmid Ənvəri kömək edəcək.