Voleybolçular xaricdə hazırlaşacaq

Qadın voleybolçulardan ibarət Azərbaycan yığması Avropa qızıl liqasına hazırlığı ölkə xaricində davam etdirəcək.

Allsport.az xəbər verir ki, komanda bu məqsədlə Sloveniyaya yola düşüb.

Yığma burada mayın 9-dan 17-ə kimi təlim-məşq toplanışında olacaq. Daha sonra isə voleybolçular Yunanıstana yollanacaqlar. Bu ölkədəki təlim-məşq toplanışı isə mayın 24-dək davam edəcək. Hazırlıq proseslərində millinin yoxlama oyunları keçirməsi də nəzərdə tutulur. Komandanın son heyəti təlim-məşq toplanışlarından sonra bəlli olacaq.

Azərbaycan yığması ilk oyunlarını Bakıda keçirəcək. Mayın 30-da və iyunun 1-də baş tutacaq bu görüşlərdə rəqiblər Macarıstan və Sloveniya komandaları olacaq.