Yekaterina Voskoboynik: Növbəti hədəf – ölkə çempionluğudur!

Qadın həndbolçulardan ibarət “Azəryol” klubu ölkə kubokunun finalında
“Azərsu”nu 29:20 hesabı ilə məyus edib. Görüşdən sonra qalib komandanın ukraynalı legionçusu Yekaterina Voskoboynik allsport.az saytına açıqlamasında bunu deyib:

“Biz səhvlər üzərində çox çalışdıq. Komanda meydançada hər santimetr uğrunda mübarizəyə köklənmişdi. Növbəti hədəf – ölkə çempionluğudur!

Üzərimizdə işləməyi davam edib, əsas oyuna hazırlaşacağıq. Əminəm ki, komandamız hədəfə yetişmək üçün, bütün gücünü ortaya qoyacaq”.