Yeniyetmə voleybolçuların daxili çempionatı davam edir

Sumqayıt regional voleybol klubunun təşkilatçılığı ilə ümummilli lider Heydər Əliyevin 101 illiyinə yeniyetmə qızlar və oğlanlar arasında daxili çempionat davam edir.

Allsport.az saytı xəbər verir ki, iyunun 21-də Xaçmaz OİK-də təşkil olunan yarışın ikinci turunun oyunlarında Azərbaycan voleybol federasiyasının prezidenti Şahin Bağırov, Xaçmaz rayon icra hakimiyyətinin başçısı Elnur Rzayev, federasiya rəsmiləri və digər qonaqlar iştirak ediblər.

Oğlanların yarışında Xaçmaz və Sumqayıt, Quba və Siyəzən komandaları üz-üzə gəlib. Bu oyunlarda Sumqayıt və Quba komandaları 2:0 hesabı ilə qalib gəliblər.

Mayın 25-də start götürən yarışda Sumqayıt RVK-nın tərkibinə daxil olan Qusar, Quba, Şabran, Sumqayıt, Xaçmaz və Siyəzən komandaları mübarizə aparır.