Yığmamızın Albaniya sınağı 

16 yaşadək oğlan basketbolçular arasında Avropa çempionatının “C” divizionuna sabah start veriləcək.

Allsport.az xəbər verir ki, Albaniyanın paytaxtı Tiranada keçiriləcək turnir iyulun 14-dək davam edəcək.

Azərbaycan millisi “A” qrupunda mübarizə aparacaq. U-16 millimizin rəqibləri Albaniya, Malta və Moldova yığmaları olacaq.

Tahir Baxşıyevin yetirmələri sabah Bakı vaxtı ilə saat 21:30-da Albaniya ilə üz-üzə gələcək. İyulun 10-da saat 16:30-da rəqib Moldova olacaq. Ertəsi gün saat 16:30-da millimiz Malta ilə qarşılaşacaq.