Zaur Paşayevin komandası Gürcüstan Superliqasında 3-cü yerə yüksəlib

Millimizin basketbolçusu Zaur Paşayevin formasını geyindiyi «Kutaisi 2010» klubu Gürcüstan Superliqasında növbəti matça çıxıb.

Allsport.az saytı xəbər verir ki, «ağ-yaşıllar» doğma divarlar arasında «Polis Akademiyasımı» qəbul edib. Gərgin keçən görüşdə həmyerlimizin komandası 76:74 hesabı ilə qalib gəlib.

Bu qarşılaşmada Zaur Paşayev 8 xal qazanıb, elə bu sayda ötürmə verib, 5 götürmə edib. 8 kollektivin yer aldığı çempionatda «Kutaisi» 12 xalla 3-cü sıraya yüksəlib.