Zaur Paşayevin komandasından növbəti qələbə

Millimizin basketbolçusu Zaur Paşayevin formasını geyindiyi «Kutaisi 2010» klubu, dünən Gürcüstan Superliqasında növbəti oyununu keçirib. Allsport.az saytı xəbər verir ki, «ağ-yaşıllar» hesabat turunda «Şesesu» komandasını 72:62 hesabı ilə məğlub edib.

Bu görüşdə həmyerlimiz «Kutaisi»yə 10 xal qazandırıb. Bundan əlavə, Zaur 8 assist, 6 ribaund edib. Yığmamızın üzvü açıqlamasında deyib ki, komandası hazırda 10 xalla 3-cu yerdədir və son 3 görüşdə qalib gələcəkləri halda, ilk pilləyə yüksələcəklər.