“Zirə” – “Araz-Naxçıvan” oyununun hakimləri açıqlandı

Azərbaycan premyer liqasının III turundan təxirə salınan “Zirə” – “Araz-Naxçıvan” oyununun təyinatları bəlli olub.

Allsport.az xəbər verir ki, qarşılaşmanın baş hakimi Rauf Cabbarov olacaq.

Ona Eyyub İbrahimov ilə Asiman Əzizli kömək göstərəcəklər. Dördüncü hakim funksiyasını Kamran Əliyev yerinə yetirəcək. VAR-da Nicat İsmayıllı, AVAR-da Kamran Bayramov əyləşəcəklər. Ramil Diniyev hakim-inspektor, İlham Əliyev AFFA nümayəndəsi kimi təyinat alıblar.

Qarşılaşma noyabrın 6-da, saat 19:00-da Zirə idman kompleksinin stadionunda gerçəkləşəcək.