Amorim “Mançester Yunayted”də – RƏSMİ

“Mançester Yunayted” Ruben Amorimin komandanın yeni baş məşqçisi təyin olunduğunu açıqlayıb.

Allsport.az xəbər verir ki, 39 yaşlı mütəxəssislə müqavilənin müddəti 2027-ci ilin yayına kimi nəzərdə tutulub.

Daha əvvəl “Mançester Yunayted”in Amorimə görə “Sportinq”ə 10 milyon avro təzminat ödəyəcəyi bildirilirdi. Məşqçi noyabrın 11-də kluba qoşulacaq.

“Sportinq”də işləməzdən əvvəl Amorim “Braqa”nın baş məşqçisi olub. Portuqaliyalı məşqçi ümumilikdə 6 kubok qazanıb.